睡前規律做咩好? 閱讀篇

睡前規律做咩好? 閱讀篇


1 minute read

每晚一致既 #睡前規律 可以讓小朋友知道睡覺既時間到了,要好好準備入睡。

爸爸媽媽同小朋友做睡前規律時,通常都會有個睡前小活動,可以係唱首歌、按摩、講故事等等。

唔少爸爸媽媽呢個時候都會選擇同小朋友一齊睇書

Baby Sleep Well 早前係Facebook 開左個直播同介紹咗一D睡前同安全感既 #繪本

一齊重溫下直播內容 ~

重溫直播:https://fb.watch/5p_GYPMFZ7/

#睡前繪本

1. 誰來幫我拍拍睡

硬頁書,適合年紀覺少的小朋友,爸爸媽媽可以同小朋友一齊跟住小兔做睡前規律

2. 晚安,熊貓先生

熊貓先生系列相信大家都唔陌生,今次熊貓先生同朋友有唔同既睡前習慣,佢既圖畫簡單但不乏幽默既元素,爸爸媽媽同小朋友一齊睇都一定會覺得好有趣的

3. 快點睡覺啦

瞓唔著可以做D咩?數豬豬?數媽媽?數怪獸?數數下係咪就會可以瞓得著?爸爸媽媽同小朋友可以一齊數下試下

4. 貝蒂不想不想去睡覺

小朋友掛住玩唔想瞓?貝蒂都係呀!呢本書既內容結構重覆,容易幫小朋友加深印象,而且連結到小朋友既生活經驗,都係一本非常有趣既書

5. 嗨!黑漆漆

大概2-3歲既小朋友多左想像力,有機會變得怕黑。爸爸媽媽可以同小朋友一齊睇下書入面既小主角點樣同黑漆漆溝通,克服對黑漆漆既恐懼

6. 第一次自己睡覺

2-3歲既小朋友學習自己瞓覺,通常都會用到安撫公仔。繪本入面既小主角都一樣,有唔同既公仔陪佢努力學習自己瞓覺,而媽媽既鼓勵同支持都好重要,令到小主角更有勇氣去學習同實行

#安全感繪本

1. 我喜歡媽媽/我喜歡爸爸

繪本簡單易明,中英對照,句式簡單而且押韻,好適合朗讀。講小斑馬同爸爸媽媽既生活日常,我愛爸爸媽媽,好夢一覺到天明

2. 我要找媽媽

小兔好鐘意媽媽,一唔見左媽媽就會周圍搵,後來佢明白到,無論媽媽去左邊,都一定會番黎佢身邊,就唔再驚啦

3. 一起玩還是自己玩

小狐狸希望爸爸可以全日都同佢玩,但係爸爸其實都會有自己想做既事,於是佢哋一齊整左一個大家都滿意既時間表。小狐狸而家會有自己玩既時間,亦都會有同爸爸一齊玩既時間,皆大歡喜

4. 媽媽上班的時候會想我嗎

特別適合小朋友要番學、媽媽要番工既家庭,等小朋友知道媽媽番工其實都會好記掛住佢。故事同小朋友生活有連結,可以令佢地既感受更深,明白媽媽的愛

#伴讀小貼士

BB一般既專注力比較低,所以跨張既語氣、表情、動作有助佢地更易理解個內容。

爸爸媽媽講野既方式通常都唔一樣,如果爸爸媽媽都可以伴讀,對小朋友既益處更大。

其實無論睇咩書都好,最重要既係爸爸媽媽既專心陪伴,歡迎大家留言同我地分享下你小朋友喜歡既繪本同埋你地親子共讀既趣事同心得呀!

======================================================

想知更多嬰幼兒睡眠Tips?立即報名參加免費網上工作坊! 

Follow us on 

Facebook 

Instagram 

Youtube

« Back to Blog