想喺呢度多謝Charlotte同埋baby sleep well嘅團隊💓

起初未搵睡眠顧問之前，

自己都心大心細左好耐⋯⋯一來屋企已經好多開支，好怕花一筆開支到頭來又搞唔掂，就揼晒心口😫；二來係覺得可能只係階段性，自己爬多啲文學習下/ 遲下就會好架喇。但去到有一晚，仔仔如常半夜狂扎醒要再抱睡，我同老公都筋疲力竭，其實自己嘅情緒已經好差⋯⋯ 訓醒覺得咁樣落去真係唔係辦法⋯⋯ 到頭來唔單止身體會頂唔順，好驚到最後影響埋夫妻嘅關係⋯⋯ 點知就收到你哋嘅Email，竟然係關心同問候（雖然我估係宣傳電郵😂，但真係對當下嘅我一個好大嘅安慰）。我就毅然決定聯絡你哋了解一下你哋嘅服務。點知未買服務就已經係Charlotte contact 我，聽我講下仔仔嘅情況。嗰一下嘅聆聽其實已經俾左我一個好大嘅support🫶🏻

而家諗返都係好感恩搵咗你哋。由第一日Charlotte嚟家訪，即刻俾咗啲意見我。嗰日開始仔仔已經逐漸步入佳境。同埋真係有人埋身去觀察整個睡眠環境、作息、飲食，我先知道原來仔仔已經成長左好多，我哋要快快調整追上佢嘅節奏。花左一段好長嘅時間先調整好作息，去到教入睡，Charlotte 同Sandra 都係好多鼓勵同支持🥹而家就算我哋仲一齊學習緊入睡，但我都多左份信心，明白it will be alright! Let’s try again tomorrow! 

而家見到佢瞓得足，瞓得夠，無咁炆憎，我同爸爸已經好開心。爸爸又好願意一齊學同配合，而家爸爸哄仔仔瞓都多咗份信心！爺爺嫲嫲都因為仔仔瞓晏覺瞓多咗，佢哋都可以有多啲時間休息！

💓💖💝多謝你哋呢3個星期嘅陪伴同埋鼓勵💖💞💕